Malcolm, In his notes to 'Wanton Muse' Argo LP ZDA 85, MacColl said his source for 'The Gairdener Chylde' was from his mother, with verses collated from Greig's 'Last Leaves'. He noted also that the song's first appearance in print wa 'in a rather corrupt form in an Edinburgh chapbook dated 1776. I think the text in the DT differs from MacColl's text in enough places to warrant posting his text. It also has an additional verse. THE GAIRDENER CHYLDE Proud Maisrie stands at her faither's door As straucht's a willow wand And syne there cam' a gairdener chylde Wi' a red rose in his hand, his hand Wi' a red rose in his hand Oh ye sall hae my rose quo' he Gin ye'll gie your floo'er to me And amang the floo'ers o' your faither's yaird I'll mak' a goon for thee, for thee I'll mak' a goon for thee The lily white shall be your smock Becomes your body neist And the marigowd shall be your stays Wi' a red rose at your breist, your breist Wi' a red rose at your breist Your goon shall be the smelling thyme And your petticoat camowine And your apron o' the soladene So kiss sweetheart and join, and join So kiss sweetheart and join Your gloves shall be the clover floo'er That springs in yonder wan And I'll sew them wi' the blue blevets That graws amang the lawn, the lawn That graws amang the lawn Your feet I'll shoe wi' yon red rue That graws in the gairden fine And I'll line them wi' the tapetan So join your love wi' mine, wi' mine So join your love wi' mine Since ye hae made a goon for me Amang the simmer floo'ers Sae I will make a suit for thee Amang the winter shoo'ers, the shoo'ers Amang the winter shoo'ers The milk-white snaw shall be your sark And lie your body neist And the mirk-black rain shall be your coat Wi' a wind-gale at your breist, your breist Wi' a wind-gale at your breist The horse that ye shall ride upon Shall be the winter snell And I'll bridle him wi' some Nor'land blasts And some sharp shoo'ers o' hail, o' hail And some sharp shoo'ers o' hail The bonnet that's be upon your heid Shall be the southren grey And every time that ye pass by I'll wish ye were away, away I'll wish ye were away
--Stewie.
|