Here you go, domenico!

There was a bonny shepherd lad kept sheep on yonder hill o,
He's laid aside his pipe and club and gane tae sleep his fill o
Fal the riddle, fal the riddle, fal the riddle di do

But when he's wakened up again his hairt it gied a turn o
For there he spied a weel-faur'd maid, a-soomin in the burn o

He's taen his pipe into his hand, tae her he's played a tune o
"Come ower the brae, my bonny may, or I feel I'll wet my shoon o"

"Keep aff your hands" the lassie said, "Nor do me any wrong o
And I'll gie you as much siller as you can carry hame o"

"It's I'll no tak your siller, lass, or riches manifauld o
But I'll row ye in the fernie brae, to keep ye frae the cauld o"

"My father he's a fairmer, and he lives below the hill o
And if he kent ye troubled me, fell angry he would be o"

"But come at me by yon green wood, and tirl at the door o
And I will come and let ye in, and ye shall hae your will o"

"It's I will come by yon green wood, and I'll tirl at yon door o
And my pipe'll play ye sic a tune, ye'll dance a reel and mair o"

When he cam doon by yon green wood, and tirled at the door o
She called out frae he window high, "Of me ye'll get no more o"

"Ye're like a horse my faither had, was tethered on the loan o
He hung his heid above the hay, but never laid it on o"

"Ye're like a cock my faither had, that wore a double comb o
He clapped his wings but he never crawed, and I think ye're just the same o"

"My shepherd's pipe is fu o tunes, ye'll no hear it today o
But gin we ever meet again, you'll feel how it can play o"