How about this one which I believe was also by Hogg? Up and waur them a', Willie When we went to the field of war And tae the weapon shaw, Wi' true design to tae serve our king And chase our faes awa' Lords and lairds came there bedeen And wow gin they were sma' While pipers played fae right to left, Fy, furich whigs awa'. Chorus Up and waur them a', Willie; Up and waur them a' Up and sell your sour milk And dance and ding them a'. And when our army was drawn up, The bravest e'er I saw We didna doubt to rax the rout And win the day and a' Oot ower the brae it was nae play Tae get a better fa'. While pipers played fae right to left, Fy furich Whigs awa'. When brawly they attacked our left, Our front and flank and a' Our bold commander on the field Our faes their left did ca'. And there the greatest slaughter made That e'er poor Donald saw, While pipers played fae right to left, Fy furich Whigs awa' First when they saw our Hielan mob, They swore they'd slay us a' Yet yin gin fyled his breeks for fear And so did run awa' We drove them back tae Bonnybrigs, Dragoons and foot and a' While pipers played fae right to left, Fy furich Whigs awa'. But when their general view our lines And them in order saw, He straight did march into the town And back his left did draw. Then we taught them the better gate Tae get a better fa' While pipers played fae right to left, Fy furich Whigs awa'.
|