Here's my transcription from Spotify. Note there are some gaps and uncertainties. And of course, your spelling may differ. TAK ME BACK TAE COVE (A SONG OF COVE) As recorded by Harry Gordon on "Golden Memories: Pre-War Entertainers from North-East Scotland" (2008). Some may sing o Tennessee and some o Alabam, But I've nae use for places whar ye canna get a dram. They can keep their Salt Lake City and their Ohio(?), For gin I need a change o air, I ken the spot to go: Aye, tak me back tae Cove; tak me back tae Cove, For the air is as strong as can be, For you only need one guff To feel you've had enough By the side o the silvery sea. Tak me back tae Cove; tak me back tae Cove, For the air is as strong as can be, And if Winston knew the facts, Yon's an export he would tax, By the side o the silvery sea. Some are keen on Banchory and ithers on Braemar, For they say the western air's the healthiest by far, But that's whit maks me stick to my resort wi greater zest, For aye when I gan sooth tae Cove, I feel that I've gone west. So tak me back tae Cove; tak me back tae Cove, For the air is as strong as can be. Even your wife is dumb In yon effluvium By the side o the silvery sea. Tak me back tae Cove; tak me back tae Cove, For the air is as strong as can be, And a skunk that passed that way Drapped doon deid frae jealousy By the side o the silvery sea. Now nae so very lang ago I dreamt that I was deid, And Auld Nick came to meet me wi the horns upon his heid. He says: "We've been expecting ye; jist come awa inside," But whin I saw my rooms I said: "If that's where I've tae bide— "Oh, tak me back tae Cove; tak me back tae Cove, For the air is as strong as can be." Auld Nick says: "Please yoursel, But I couldna stand yon smell By the side o the silvery sea." Tak me back tae Cove; tak me back tae Cove, For the air is as strong as can be, When the folks out there need cheese They cut bitties aff the breeze By the side o the silvery sea.
|