NURSE CAVELL LAMENT   by Calum MacPharlain a/k/a Malcolm MacFarlane

Fann gaoth na mochthrath ri osnaidhean bròin;

Fairge fo uamhunn, is gruaim air na neòil;

Saorsa, le h-eagal, air teicheadh gu còs,

'S Eideag Chaithbhèil 'si 'na beuban gun deò.



Gnìomh na minaìre thug bàrr a thaobh tnùth

Air Herod 's air Néro le 'n reubairean gnùth,

Mort na mna mìn thaobh a dìlse 'nar cùis.

Dhaibhsan thig dìoghladh, ach dhìthse thig cliù.



Dìoghlar e mìghnìomh nam mìstearan thall:

Chì sinn ma 's beò, gur i chòir a bhios ann;

'S theid cliù na banghaisgich, o dheachdadh nam peann,

Sìos feadh nan linn gus an crìochnaichear àm.



Sèimh biodh do chadal, a bhanoglach chaomh;

Leigheas nan creuchd b' e do chreuchd air an t-saogh'l;

'S luachmhoire t' èifeachd do chreutairean daor,   

Ma theagaisg do mhor daibh gur sochair an tsaors'.




Published, Stirling: Eneas Mackay, circa 1917.