Here are the Yiddish lyrics of "Du meydele, du fayns"

דו מײדעלע, דו פֿײַנס

דו מײדעלע, דו פֿײַנס
דו מײדעלע, דו שײנס,
כ’װעל דיך עפּעס פֿרעגן
אַ רעטעניש אַ קלײנס:
װאָס איז העכער פֿון אַ הױז?
װאָס איז פֿלינקער פֿון אַ מױז?

דו נאַרישער בחור,
דו נאַרישער טראָפֿ,
דו האָסט ניט קײן שׂכל
אין דײַן קאָפֿ;
דער רױך איז העכער פֿון אַ הױז,
די קאַצ איז פֿלינקער פֿון אַ מױז.

די מײדעלע, דו פֿײַנס,
דו מײדעלע, דו שײנס,
כיװעל דיך עפּעס פֿרעגן
א רעטעניש א קלײַנס:
װאָס פֿליט אָן פֿליגל?
און װאָס איז געמױערט אָן ציגל?

דו נאַרישער בחור,
דו נאָרישער טראָפֿ,
דו האָסט ניט קײן שׂכל
אין דײן קאָפֿ;
שנײ פֿליט דאָך אָן פֿליגל,
דער פֿראָסט איז געמױערט אָן ציגל

דו מײדעלע,, דו פֿײַנס,
דו מײדעלע, דו שײנס,
כיװעל דיך עפּעס פֿרעגן
אַ רעטעניש אַ קלײנס:
װאָס איז רױטער פֿון אַ פֿלאָם?
און װאָס איז געטרײַער פֿון אַ מאַן?

דו נאָרישער בחור,
דו נאַרישער טראָפֿ,
דו האָסט ניט קײן שׂכל
אין דײַן קאָפֿ;
די פֿאָן איז רױטער פֿון אַ פֿלאַם,
און אַ טאָטע איז געטרײַער פֿון אַ מאַן.