Sí beag is sí mór

Ó imreas mór tháinig idir na ríona
Mar fhíoch a d'fhás on dá chnoc sí
Mar dúirt an tsí mhór go mb'fhearr í féin
Faoi dhó, faoi dhó ná 'n tsí bheag.

"Ní raibh tú ariamh chomh huasal linn
I gcéim dar ordaíodh i dtuath nó (i) gcill
Beir uaim do chaint, níl suairceas ann
Is coinnigh do chos is do lámh uainn."

"Choíche ní bhfaighfidh sibh bua ar chách
Ar muir, ar tír na n'iomarbhá
B'fhearr an chídh 'bheith 'déanamh síoth
Ná fógairt cogaidh i láthair."

Tráth chruinnigh na sluaite, bhí an bualadh teann
Ar feadh na machaireacha 'nonn 's anall
'S ní raibh éinne ariamh dár ghluais ón mbinn
Nár chaill a cheann san ar sin."

Is é seo an cath do chráidh ár gcroí
Na prionsaí sí ar gach taobh
Tuatha Dé Danann ag teacht'na scaoith
'S nach íontach saolta an t-ár sin.

Is ansin do cailleadh na ríthe sí
Na mílte dhíobh ar gach taobh
Ní raibh ach bruíon do scrios an Traoi
Le méid an áir an lá sin.

Pairlí, pairlí a chairde gaoil
Sin chugaibh ár námhaid ó Charn Chlann Aoidh
O Bhinn Eachlainn aníos na sluaite díobh
Is bímis uile páirteach.

Atá siad anois is ariamh dhá rá
An cogadh is lú go milleann a lán
Gur fearr an tsíoth is measa dlí
Ná bialte is tíortha a bhánú.

'Sé an t-éad ar dtús do dhíbir slua
'S chuir na mílte i gcarcar crua
Is fearr an chóir bheith buan go deo
Ná bráithre a ghríosú a n-áireach


line breaks added by mudelf ;-)