The only thing ah can think o' is it is an English wummans name,as in Maddie Prior.
SHY GEORDIE
Up the Noran Wate
In by Inglismaddy,
Annie's got a bairnie
That hasna got a daddy.
Some say it's Tammas's,
An' some say its Chay's;
An' naebody expec'it it,
Wi' Annie's quite ways.
Up the Noran Water
The bonnie little mannie
Is dandled an' cuddled close
By Inglismaddy's Annie.
Wha the bairnie's daddy is
The lassie never says ;
But some think it's Thammas's,
An' some think it's Chay's.
Up the Noran Water
The country folk are kind ;
An' wha the bairnie's daddy is
They dinna muckle mind.
But oh ! the bairn at Annie's breist,
The love in Annie's e'e--
--
They mak me wish wi' a' my might
The lucky lad was me !