The title is "Gudeen to you kimmer"

Gudeen to you kimmer
And how do you do?
Hiccup, quo' kimmer,
The better that I'm fou.

Chorus:
We're a' noddin, nid nid nodding,
We're a' nodding at our house at hame,
We're a' noddin, nid nid nodding,
We're a' nodding at our house at hame.

Kate sits i' the neuk,
Suppin hen-broo;
Deil tak Kate
An' she be na noddin too!

How's a' wi' you, kimmer
And how do ye fare?
A pint o' the best o't,
And twa pints mair.

How's a' wi' you, kimmer,
And how do ye thrive;
How mony bairns hae ye?
Quo' kimmer, I hae five.

Are they a' Johny's?
Eh! atweel no:
Twa o' them were gotten
When Johny was awa.

Cats like milk
And dogs like broo;
Lads like lasses weel,
And lasses lads too.


from Burns: Poems and Songs, ed. by James Kinsley