THE BRAES O' BALQUIDDER.

Will ye go, lassie go,
To the braes o' Balquhidder?
Where the blaeberries grow,
'Mang the bonnie blooming heather;
Where the deer and the rae,
Lightly bounding together,
Sport the lang summer day
'Mang th braes o' Balquihher.
[Chorus] Will you go, lassie, go,
To the braes o' Balquhidder?
Where the blaeberries grow,
'Mang the bonny bloomin' heather.

I will twine thee a bower
By the clear siller fountain,
An' I'll cover it o'er
Wi' the flowers o' the mountain;
I will range through the wilds,
An' the deep glens sae dreary,
An' return wi' their spoils
To the bower o' my deary
Will ye go, &c.

When the rude wintry win'
Idly raves round our dwellin',
An' the roar o' the linn
On the night breeze is swellin',
Sae merrily we'll sing,
As the storm rattles o'er us,
Till the dear sheeling ring
Wi' the light liltin' chorus.
Will ye go, &c.

Now the summer is in prime,
Wi' the flowers richly bloomin',
An' the wild mountain thyme
A' the moorlands perfumin',-
To our dear native scenes
Let us journey together,
Where glad innocence reigns
'Mang the braes o' Balquidder.
Will ye go, &c.

This is Robert Tannahill's original from Graham's/Wood's 'Songs of Scotland'. Frank McPeake's Irish version of this, "Wild Mountain Thyme", is in DT. A little known traditional Scottish version was sung on a 33 1/3 recording, Folk-Lyric FL 116, by Betsy Miller (Ewan MacColl's mother).

^^