Words by Robert Tannahill
Music by James Barr
Chords by Alan Foster

      C          G         C      Am
The broom, the brier, the birken bush
       C                       G
Bloom bonnie o'er thy flow'ry lea
    C                  Em       F
And a' the sweets that ane can wish
      C                   G         C
Frae Nature's hand are strewed on thee.

          C               Am
    Thou bonnie wood o' Craigielea
          C      Am             G
    Thou bonnie wood o' Craigielea
           C         F          Am     C
    Near thee I've spent life's early day
                Em     G         C
    And won my Mary's heart in thee.

 
Far ben thy dark green plantin's shade
The cushat croodles am'rously
The mavis down thy bughted glade
Gars echo ring frae ev'ry tree.

Awa' ye thoughtless murd'ring gang
Wha tear the nestlings ere they flee
They'll sing you yet a canty sang
Then oh! in pity let them be.

When winter blaws in sleety showers
Frae off the Norlan' hills sae hie
He lightly skiffs thy bonnie bow'rs
As laith to harm a flow'r in thee.

Though fate should drag me south the line
Or o'er the wide Atlantic sea
The happy hours I'll ever min'
That I in youth hae spent in thee.

Next installment will be the original Christina McPherson tune to Waltzing Matilda.

Stay tuned!