A rather gentler version than the one I remember from the 'singing pullover' era.
Jim Carroll

JOHNNIE LAD

1.    Oh, ken you my love Johnny, he'd doon on yonder lea
He's lookin' and he's joukin', and he's aye, watchin' me.
He's pu'in and he's teasin', but his meanin's nae sae bad,
Gin it ever gaun tae be, tell me noo, Johnnie lad.

Chorus:
Tell me noo, my Johnnie laddie, tell me noo me my Johnny lad,
Gin it ever gaun tae be, tell me noo, Johnnie lad.

2.    When the sheep are in the fauld and the kye are in the byre,
An' ither lads an' lassies sittin' roond a roarin' fire;
There's me, a glaiket lassie, just like's gin I was mad
Through the nooks and barley stooks, jinkin' yon, Johnnie lad.

Jinkin' you, my Johnnie laddie,
Jinkin' you, my Johnnie lad -
Through the nooks and barley stooks,
Jinkin' you, Johnnie lad.

3.   O Johnnie's blythe and bonnie, he's the pride o' a' yon lea,
And I lo'e him best o' ony, though he's aye teasin me.
Though he teases me an' squeezes me and tickles me like mad,
Nane comes near me that can cheer me like my ain Johnnie lad.

Chorus:
Ay, it's you, my Johnnie laddie,
Ay, it's you, my Johnnie lad;
Nane can tease me an' can please me
Like my ain Johnnie lad.

4.    O Johnnie's nae a gentleman, nor yet is he a laird,
But I would follow Johnnie lad although he was a caird.
O Johnnie is a bonnie lad, he wis aince a lad o' mine,
An' I've never had a better lad, though I've had twentynine.

Chorus:
An' wi' you, my Johnnie laddie,
An' wi' you, my Johnnie lad,
An' I'll dance the buckles aff my shoon
Wi' you, Johnnie lad.