(Jeannie Robertson)

A dottered auld carle cam ow'r the lea,
Ha ha but I wadnae hae him.
He cam ow'r the lea, an' a' tae court me;
Wi' his grey beard newly shaven.

My mither telt me tae open the door,
I opened the door, and he tottered in o'er;

My mither telt me tae gie him a chair,
I gie'd him a chair, and he sat on the flair;

My mither telt me tae gie him some meat
I gie'd him some meat, but he'd nae teeth tae eat;

My mither telt me tae gie him some drink
I gie'd him some drink, and he began tae wink;

My mither telt me tae gie him a kiss
"If you like him sae weel, ye can kiss him yoursel'!"

Wi' his aul' grey beard newly shaven
Wi' his aul' grey beard newly shaven:
"If you like him sae weel, ye can kiss him yoursel'!"
Wi' his aul' grey beard newly shaven.

A midi of the tune goes to Alan's Mudcat Midi Site.

Malcolm Douglas