PLOOMAN LADDIES

Doon yonder den there's a plooman lad,
An' some simmer's day he'll be a' my ain;

An' sing laddie-oh, an' sing laddie-aye,
The plooman laddies are a' the go.

I love his teeth and I love his skin -
I love the verra cairt he hurls in:

Doon yonder den I coulda gotten a merchant,
Bit a' his stuff wisna worth a groat.

Doon yonder den I coulda gotten a mullart,
Bit the smell o' dust widda deen me ill.

It's ilka time I gyang tae the stack,
I hear his wheep gie the ither crack.

I see him comin' fae yonder toon,
Wi' a' his ribbons hingin' roon' an' roon'.

An' noo she's gotten her plooman lad,
As bare as ever he left the ploo.

Doon yonder den there's a plooman lad,
An' some simmer's day he'll be a' my ain.


As collected by Arthur Argo from Lucy Stewart. Printed in CHAPBOOK vol 2, no 1, p3.

This was the late 60's, but the song was well known by then. As far as I know, Lucy, from Fetterangus, was first recorded in the 50's, and subsequent singers changed the first line of the chorus.