DIP AN' FALL BACK
(from Mango Time: Folk Songs of Jamaica)
Musical score (melody only) - p30.

Chorus:
Dip an' fall back, dip an' fall back!
My advice, there is nothing nice like di Dip an' Fall Back.

1.
Now when the war was ova an ev'ryting was scarce,
An' man was experimentin' wid things to fill dem space,
We had a lot a food but the meat was out a stock,
So to get a blen' we recommend di Dip an' Fall Back.

(Chorus)

2.
Some people call it Dash Een, some call it Full Mi Up,
Some call it Rock-An'-Fall-Back, but mi call it Full Mi Gut.
An' how di ting so sweet an' how it mek yu fat,
Jus' buy a pot an laan fi cook di Dip an' Fall Back.

(Chorus)

3.
Yu get a shad or herring an' put it on fi steam,
Wid peppa, tumaatis, skellion until it faam a cream.
No stew beef nor mackerel, mutton, pork or sprat
Can be so sweet when yu laan fi eat di Dip an' Fall Back.

(Chorus)

4.
Yu tek di shad or herrin' an' put it dung fi soak,
Get a bone-dry coak-nat, yu don't need no poak,
Yu greater dug di coak-nat an' put it on fi bwile,
Till di custard start fi settle dung pon di coak-nut ile.

(Chorus)

5. Yu get a bwile banana an' yu eat it wid di dip,
Wid a mug a bebridge an' so yu dip, yu sip,
An' if di war should come ya an' bum begin fi drap,
A would face a tank or a long-range gun fi di Dip an' Fall Back.

(Chorus)

4. Maas John sey "Tek mi lan', tek mi mule an' tek mi dray,
Tek mi married wife an' mi t'ree sweetheart away.
Tek away mi house an' tek mi burial spot.
don't skylark or A bus yu shut fi mi Dip and Fall Back."

(Chorus)

Note: melody of the chorus is the same as the melody of "Matilda, she take me money and run Venezuela."