OIDHCHE MHATH LEIBH
words by John MacFadyen (Mòd 1897)
[seisd/chorus] Soraidh leibh is oidhche mhaith leibh
Oidhche mhaith leibh, beannachd leibh
Guidheam slàinte ghnàth bhith mar riubh.
Oidhche mhath leibh, beannachd leibh.
Chan 'eil inneal ciùil a ghleusar
Dhùisgeas smuain mo chlèibh gu aoibh,
Mar nì duan o bheòil nan caileag.
Oidhche mhaith leibh, beannachd leibh.
'S guth gu m' chridhe pong nan òran
Caidir? solais oigridh 'seinn;
Aiteal ciùin air laithean m'oige;
Sonas a bhi'n còmhnuidh leibh.
Mathair uisge 'n tobair fhioruisg',
Cainnt ar sinnsir brigh na loinn;
'S faochadh tlàth o anradh m'intinn
Nuair bheir rann na glinn a'm chuimhn'.
Grian cha laidh an nochd air miltean.
Leis am binn a fuinn 's a roinn.
'S do'm bi'n sgeul 'na mhòr thoil-intinn
Dh'innseas dhaibh gu'n robh sinn cruinn.
Astar cuain cha dean ar sgaradh,
'S dùrachd daimh am bannaibh toinnt'.
Gleidh an t-agh na d'fhàg a bheannacht;
Oidhche mhath leibh, soiridh leibh.
Thuit ar crann air saoghal carach [corrach]
'S coma sud, tha mhaitheas leinn;
"Bidh sinn beo an dòchas rò-mhath":
Oldhche mhaith leibh, beannachd leibh
main source: "A' Choisir-Chiuil, The Saint Columba Collection of Gaelic Songs". London and Glasgow: Bayley and Ferguson (no date given)