From Thirty Scots Songs for a Voice and Harpsichord (Edinburgh: R. Bremner, 1757), page 8-9:


BLATHRIE O'T.

When I think on this warld's pelf,
And the little wee share I have o't to myself,
And how the lass that wants it is by the lads forgot,
May the shame fa' the gear, and the blathrie o't.

Jockie was the ladie that held the pleugh,
But now he's got gowd and gear eneugh.
He thinks nae mair of me that weirs the plaiden coat.
May the shame fa' the gear, and the blathrie o't.

Jenny was the lassie that mucked the byre,
But now she is clad in her silken attire,
And Jockie says he loes her, and swears he's me forgot.
May the shame fa' the gear, and the blathrie o't.

But all this shall ne'er danton me,
Sae lang as I keep my fancy free,
For the lad that's sae unconstant, he is not worth a groat.
May the shame fa' the gear, and the blathrie o't.