They are fermin the fower winds:                        
Five grey- stemmed daffodils                                
on the hill abuin Eynhallow                                
that whirlmagig air intil pouer.                        

Aa Simmerdim on Flotta –
a thrummlin column o virr:
the fleerin ee o Sauron lowps
and rages in its touer.

...Sunlicht asklent a green wave
maun be wrocht as an equation:
the Physic mind is mappamouned
whaur aa is swack and sure.

The makar speirs the silence,
raiks the taigle o time-wrack
for signs and kennings, patterns
thrang in his hairst o hours.

            --C. Chimp