For my friend Janet Weatherston, who makes such superlative stovies.
Chorus Janet's stovies are the best We lo'e them abune the rest, But we ha'e only ane request, Bring us a plate o' stovies.
Slice yer onions nice and thin Fry them gently, then throw in Loads o' tatties wi'oot skin, You've started makkin' stovies. Salt and pepper tae your taste, Scraps o' meat ye neednae waste, Cannae be in awfy haste When yer makkin' stovies.
Mak' them in yer muckle pot Dinnae ha'e the ring ower hot, Let them sweat until ye've got A gey guid pan o' stovies. Stovies ayeways fill ye up Skoosh them in a plate or cup, Dinnae bide, jest serve us up Oor Janet's hamely stovies.
She mak's them for the Christmas ceilidh, Tops them aff wi' sprigs o' holly, You micht think that awfy silly, Daein' that wi' stovies. When Burns supper cam's aroond, In the kitchen she'll be foond, Haggis, neeps and tatties roond, But ye cannae beat her stovies.
Of stovie-makkin' she's the master, Better than a bowl o' pasta, Mak's the eightsome reel gae faster Efter Janet's stovies. Never gi'e ye constipation, Ideal form of regulation Maybe too much information, But that's why we tak' stovies. Final chorus: Stovies, stovies, stovies, stovies,(x3) We lo'e Janet's stovies.