I know that you ALL work hard. You'll be rewarded some day as Uncle Wullie was, in fact better I hope. If a translation is required, private PM sessions are free. Please excuse the double post.
:>}

UNCLE WULLIE
Tune loosely where it fits = Die Tannenbaum

In the years when times were hard,
Uncle Wullie worked doon at John Brown's yard,
And every morn at six, no less,
He'd rise from sleepin in the kitchen recess,
Cleared the black lead grate an' lit the fire.
To shave and wash he did aspire,
And Monday tae Saturday, if ye please,
He pit oan his boots an his dungarees.

He would shout oot "Jeannie, get up, yer late"
And eat his porridge fae a wally plate,
Slurp his tea fae a coronation mug,
Feed the cat and walk the dug,
Then he'd make up his workin' piece,
Wi a square slice sausage an a daud o' cheese,
And if that wisnae quite enough,
At his pipe he'd have a 5-minute puff.

He'd pit oan his jaicket, then he'd staun
For a kiss fae Jeannie 'fore he was gone,
An staunin there, parted fae her lips,
He'd pit his haun in his pocket for his bicycle clips.
He pedalled solid as a rock,
Keepin wan eye oan Singer's clock.
He was always oan time an never late,
As he goat intae Broons by the "men's" wee gate.

The day o' the Mary's launch came roon.
The king himsel' wid be there soon.
As Wullie arrived at the men's wee gate,
A Rolls Royce arrived for the launchin' fete.
Gateman doffed his cap as he opened wide
The big slidin' gate tae let it inside.
Wullie tried tae follow the Roller thro'
But the gateman shouted "Hey there, you!

"Ye cannae dae that wi ye bike.
Tae the men's wee gate, son, take a hike."
Wullie took it personally
And with the gateman he argued free:
"How's this man gettin thro'," he cried,
"While I am tae go roon tae the workmen's side?"
"He works for Cunard," the gateman hums.
"He can enter by the big gate when he comes."

Wullie preened himself with a wicked grin,
"I work f'Cunard too, so let me in."
The gateman, struck dumb by Wullie's cheek,
Let him thro the big gate every week.
So just one thing afore I go
Tae ma ain fireside a' aglow:
If you work f'Cunard just let them know,
Don't let the gaffers steal the show.