Same thing in Scots.

The Scots Leid Associe wis foondit in 1972 an ettles tae fordle Scots in leeteratur, drama, the media, eddication an in ilka day uiss.
Akis Scots wis ance the state langage o Scotland, it's a vailid pairt o wir heirskip an the associe taks tent tae the fact that it shoud can tak its steid as a langage o Scotland, alang wi Gaelic an Inglis.

Alang wi forderin the langage an fleetchin at eddication authorities an the media for mair uiss o Scots, the associe furthsets the bi-annual 'Lallans', the jurnal for writin in Scots (free tae associe members) an a Scots wittins blad an aa.
It hauds its annual collogue, that's been addresst bi merkit writers, actors, jurnalists, muisicians, televeesion presenters, scholars an ithers, an dis competeetions willin baith adults an bairns tae write in Scots.

The associe can sort advice on the langage tae theatre companies, schuils etc.

ljc