Curses foiled again! As the chocolate biscuit said when it went through the wrapping machine for the second time.
Never mind here are the words.
Giok

Listen tae the teacher, dinna say dinna,
Listen tae the teacher, dinna say hoose,
Listen tae the teacher, ye canna say munna,
Listen tae the teacher, ye munna say moose.

He's five year auld, he's aff tae school,
Fairmer's bairn, wi a pencil an a rule,
His teacher scoffs when he says "Hoose",
"The word is 'House', you silly little goose."


He tells his Ma when he gets back
He saw a "mouse" in an auld cairt track.
His faither lauchs fae the stack-yaird dyke,
"Yon's a 'Moose', ye daft wee tyke."


Listen tae the teacher ...


He bit his lip and shut his mooth,
Which wan could he trust for truth?
He took his burden ower the hill
Tae auld grey Geordie o the mill.


An did they mock thee for thy tongue,
Wi them sae auld and thoo sae young?
They werena makkin a fuil o thee,
Makkin a fuil o themsels, ye see.


Listen tae the teacher ...


Say "Hoose" tae the faither, "House" tae the teacher,
"Moose" tae the fairmer, "Mouse" tae the preacher,
When ye're young it's weel for you
Tae dae in Rome as Romans do,


But when you growe and ye are auld
Ye needna dae as ye are tauld,
Nor trim yer tongue tae suit yon dame
Scorns the language o her hame.


Listen tae the teacher ...

Then teacher thought that he wis fine,
He kept in step, he stayed in line,
And faither said that he wis gran,
Spak his ain tongue like a man.

And when he grew and made his choice
He chose his Scots, his native voice.
And I charge ye tae dae likewise
An spurn yon poor misguided cries.

Listen tae the teacher ...



--------------------------------------------------------------------------------
[ Home | Top | Next | Back | Up ]