OH WEE WHITE ROSE OF SCOTLAND
(Susanne Ferguson) - 1986

Oh wee white rose of Scotland tell tae me
When wad ye rise and bloom wi fient a thorn
When wad ye rise up haill and straucht and free
Nae mair tae dwine forfochten and forlorn

Oh wad ye rise and scent the air again
Wi blossom blithe on branches noo abrede
Tae gar this land pit life in ye I'd spend
My warld is gear tae bring ye some remeid

Oh no this land's a kindly nurse tae me
It is the sky wi mirk is sair owercast
Thir days o dule they will only ended be
When fae a new airt blaws a fresher blast

When charity shall stand in Scotland's tongue
For leal and soothfu band wi aa that lives
When riches are nae mair the work o wrang
But shall requite the ane that freest gives

When Scotland's great are they wha kindest can
Lift ithers' loads tae gie their spirits room
Then wi a glad upspringin til the sun
The winds o aa the world I shall perfume


Glossary:
hail = whole
fient = hardly
straucht = straight
dwine = dwindle
forfochten = worn out
abrede = spread
tae gar = to make
warldis = all the world
remeid = relief
mirk = darkness
thir = these
dule = misery
leal = loyal
soothfu = truthful

Copyright Susanne Ferguson 1986
@Scottish @patriotic @flower
filename[ WHITROSE
CC
apr97
mudcat.org

---

PLEASE NOTE: Because of the volunteer nature of The Digital Tradition, it is difficult to ensure proper attribution and copyright information for every song included. Please assume that any song which lists a composer is copyrighted ©. You MUST aquire proper license before using these songs for ANY commercial purpose. If you have any additional information or corrections to the credit or copyright information included, please e-mail those additions or corrections to us (along with the song title as indexed) so that we can update the database as soon as possible. Thank You.