THE BIRKEN TREE

"Oh, lass gin ye wad think it richt tae gang wi' me this very nicht
We'll cuddle till the morning licht, by a' the lave unseen, O
It's ye shall be my dearie, my ain dearest dearie
An' ye shall be my dearie, gin you meet me at e'en, O"

"I dare nae frae my mammie gae, she locks the door and keeps the key
And e'en an' mornin' charges me, and aye aboot the men, oh
She said they're all deceivers, deceivers, deceivers
She said they're all deceivers, we canna trust tae ane, O"

"O never mind your mammie's yell, nae doot she met yer dad hersel'
And should she flyte ye may her tell she's aften done the same, O.
Sae lassie gie's yer hand on't, your bonnie milk-white hand on't,
So lassie gie's yer hand on't, and scorn tae lie your lane, O".

"O lad, my hand I canna gie, but aiblins I may steal the key
And meet ye at the birken tree that grows down in the glen, O.
But dinna lippen laddie, I canna promise laddie
But dinna lippen laddie, in case I cann win, O."

Noo he gane tae the birken tree, in hopes his true love there tae see
An' wha cam' trippin' o'er the lea, but just his bonnie Jean, O,
An' she sat doon beside him, beside him, beside him,
An' she sat doon beside him, upon the grass sae green, O.

"I'm overjoyed wi' rapture noo," cried he an' kissed her cherry mou'
And Jeannie ne'er had cause tae rue that nicht upon the green, O
For she has got her Johnnie, her sweet an' loving Johnnie,
For she has got her Johnnie, an' Johnnie's got his Jean, O.

From The Birken Tree, Blackfriars Music, Edinburgh
@Scottish @courtship
filename[ BIRKNTRE
TUNE FILE: BIRKNTRE
CLICK TO PLAY
CC
mudcat.org

---

PLEASE NOTE: Because of the volunteer nature of The Digital Tradition, it is difficult to ensure proper attribution and copyright information for every song included. Please assume that any song which lists a composer is copyrighted ©. You MUST aquire proper license before using these songs for ANY commercial purpose. If you have any additional information or corrections to the credit or copyright information included, please e-mail those additions or corrections to us (along with the song title as indexed) so that we can update the database as soon as possible. Thank You.