THE GAIRDNER CHILD

Proud Maisrie stands at her faither's door
As straight's a willow wand
Till by there came a gairdner child
And a red rose in his hand, his hand,
A red rose in his hand

"It's you will hae my rose, fair maid,
Gin ye'll gie yer floo'r tae me
And amang the floo'rs o' yer faither's yard
I'll make a goon for thee, for thee
I'll make a goon for thee

"The lily white will be yer smock
And lie yer body neist
The marigold will be yer stays
And a red rose at yer briest, yer breist,
A red rose at yer briest

"Yer goon shall be o' the smellin' thyme
And yer petticoat camowine
And yer apron o the soladine
Jine yer love wi' mine, wi' mine,
Come jine yer love wi' mine

"Yer shoon will be o' yon red rue
That grows in the garden fine
And I'll them wi' the tapitan
Oh kiss, sweetheart and jine, and jine
Oh kiss, sweetheart and jine"

"Since you hae made a goon for me
Amang the simmer floo'rs
I will mak' a suit for thee
Amang the winter shoo'rs, the shoo'rs
Amang the winter shoo'rs

"The milk-white snaw will be yer sark
And lie yer body neist
The mirk black rain will be yer coat
A wind gale at yer briest, yer briest
A wind gale at yer briest

"The horse that ye shall ride upon
Will be the winter snell
And I'll bridle him wi' some norland blasts
And some sharp shoo'rs o'hail, o' hail
And some sharp shoo'rs o' hail

"The bonnet's that be upon yer heid
Will be the southron grey
And every time that ye pass by
I'll wish ye were away, away
I'll wish ye were away

Child #219
Roud-339
sung by Jean Redpath and Ewan MacColl
@Scottish @courtship @plant
filename[ GRDNRCHD
TUNE FILE: GRDNRCHD
CLICK TO PLAY
TUNE FILE: GRDNRCH2
CLICK TO PLAY
SOF
mudcat.org

---

PLEASE NOTE: Because of the volunteer nature of The Digital Tradition, it is difficult to ensure proper attribution and copyright information for every song included. Please assume that any song which lists a composer is copyrighted ©. You MUST aquire proper license before using these songs for ANY commercial purpose. If you have any additional information or corrections to the credit or copyright information included, please e-mail those additions or corrections to us (along with the song title as indexed) so that we can update the database as soon as possible. Thank You.