THE LEABOY'S LASSIE

First fan I cam' tae the toon,
They ca'd me young and bonnie;
But noo they've changed my name
Ca' me the leaboy's honey.

cho: Hum dum dum derry day
Hum dum dum derry daddy,
Hum dum dum derry day
Oh, he's a bonnie laddie.

First fan I cam' tae the toon,
They ca'd me proud and saucy,
But noo they've changed my name,
Ca'me the leaboy's lassie.

I'll dye my petticoats red
And face them wi' the yellow.
I'll tell the dyster lads
That the leaboy I will follow.

The black horse draws the cairt
And the blue ane follows sae bonnie,
And sae weel I like the lad
That drives them on sae cannie.

It's over hills and dales
And over dykes and ditches,
And sae weel I like the lad
That wears the moleskin breeches.

Feather beds are saft
And painted rooms are bonnie,
But I wad leave them a'
And jog alang wi' Johnnie.

Oh my back's been sair
Shearin' Craigie's corn,
I winna see him the nicht
But I'll see him the morn.

Note: A Scots version of Katy Cruel
@Scottish @love
filename[ LEABOYSL
TUNE FILE: LEABOYSL
CLICK TO PLAY
RG
mudcat.org

---

PLEASE NOTE: Because of the volunteer nature of The Digital Tradition, it is difficult to ensure proper attribution and copyright information for every song included. Please assume that any song which lists a composer is copyrighted ©. You MUST aquire proper license before using these songs for ANY commercial purpose. If you have any additional information or corrections to the credit or copyright information included, please e-mail those additions or corrections to us (along with the song title as indexed) so that we can update the database as soon as possible. Thank You.