WI' A HUNDRED PIPERS

Wi' a hundred pipers, a' a', an' a',
Wi' a hundred pipers, a' a', an' a',
We'll up an' gie them a blaw, a blaw
Wi' a hundred pipers, a' a', an' a'.
O it's owre the border awa', awa'
It's owre the border awa', awa',
We'll on an' we'll march to Carlisle ha'
Wi' its yetts, its castle an' a', an a'.

cho: Wi' a hundred pipers, a' a', an' a',
Wi' a hundred pipers, a' a', an' a',
We'll up an' gie them a blaw, a blaw
Wi' a hundred pipers, a' a', an' a'.

Oh! our sodger lads looked braw, looked braw,
Wi' their tartan kilts an' a', an' a',
Wi' their bonnets an' feathers an' glitt'rin' gear,
An' pibrochs sounding loud and clear.
Will they a' return to their ain dear glen?
Will they a' return oor Heilan' men?
Second sichted Sandy looked fu' wae.
An' mithers grat when they march'd away.

cho:

Oh! wha' is foremos o' a', o' a',
Oh wha' is foremost o' a', o' a',
Bonnie Charlie the King o' us a', hurrah!
Wi' his hundred pipers an' a', an ' a'.
His bonnet and feathers he's waving high,
His prancing steed maist seems to fly,
The nor' win' plays wi' his curly hair,
While the pipers play wi'an unco flare.

cho:

The Esk was swollen sae red an' sae deep,
But shouther to shouther the brave lads keep;
Twa thousand swam owre to fell English ground
An' danced themselves dry to the pibroch's sound.
Dumfoun'er'd the English saw, they saw,
Dumfoun'er'd they heard the blaw, the blaw,
Dumfoun'er'd they a' ran awa', awa',
Frae the hundred pipers an' a', an ' a'.

cho:

@Scottish @battle @music
filename[ HUNDPIPE
TUNE FILE: HUNDPIPE
CLICK TO PLAY
RG
mudcat.org

---

PLEASE NOTE: Because of the volunteer nature of The Digital Tradition, it is difficult to ensure proper attribution and copyright information for every song included. Please assume that any song which lists a composer is copyrighted ©. You MUST aquire proper license before using these songs for ANY commercial purpose. If you have any additional information or corrections to the credit or copyright information included, please e-mail those additions or corrections to us (along with the song title as indexed) so that we can update the database as soon as possible. Thank You.