BONNY YTHANSIDE

As I cam' in by Ythanside
Where gently flows the rolling tide
A fair pretty maid passed by my side
And her looks did me ensnare.

She's ta'en me tae her faither's hame
Sae bashfully as I gaed ben,
Say's he "Young man ye're far fae hame
On bonnie Ythanside."

Weel it's I sat doon her folks tae please,
They treated me tae breid an'cheese,
An' the bairnies a'gaithered roon my knees;
It was a blithesome sicht.

But nine o'clock began tae strike
An'the ploomen lads began tae spit,
Says I tae masel' it's time tae flit
Fae bonnie Ythanside.

It's masel' arose up tae my feet
I bade them a' a braw goodnicht,
An' speirt the road tae Mains o' Gicht
An' the fair maid tae convoy.

She's shown me past the barn door,
And oh but my poor heart was sore,
Tae pairt wi' her an' meet nae more
On bonnie Ythanside.

But in the spring I cam' back again
An' on her finger placed a ring,
An' hame wi' me then she did come,
Fae bonnie Ythanside.

From The Scottish Folksinger, Buchan and Hall
@Scottish @courtship
filename[ BONYTHAN
TUNE FILE: BONYTHAN
CLICK TO PLAY
RG
mudcat.org

---

PLEASE NOTE: Because of the volunteer nature of The Digital Tradition, it is difficult to ensure proper attribution and copyright information for every song included. Please assume that any song which lists a composer is copyrighted ©. You MUST aquire proper license before using these songs for ANY commercial purpose. If you have any additional information or corrections to the credit or copyright information included, please e-mail those additions or corrections to us (along with the song title as indexed) so that we can update the database as soon as possible. Thank You.