CAULD KAIL IN ABERDEEN
(Robert Burns)

Cauld kail in Aberdeen
And castocks in Strabogie
But yet I fear they'll cook o'er soon,
And never warm the coggie.

My coggie, Sirs, my coggie, Sirs,
I cannot want my coggie;
I wadna gie my three-gir'd cap
For e'er a quine on Bogie.

There's Johnie Smith has got a wife
That scrimps him o' his coggie,
If she were mine, upon my life
I wad douk her in a bogie.

My coggie, Sirs, my coggie, Sirs,
I cannot want my coggie;
I wadna gie my three-girr'd cap
For e'er a quine on Bogie.

There's cauld kail in Aberdeen,
And castocks in Strabogie;
When ilka lad maun hae his lass,
Then fye, gie me my coggie.

The lasses about Bogie gicht
Their limbs, they are sae clean and tight,
That if they were but girded right,
They'll dance the reel of Bogie.

Wow, Aberdeen, what did you mean,
Sae young a maid to woo, Sir?
I'm sure it was nae joke to her,
Whate'er it was to you, Sir.

For lasses now are nae sae blate
But they ken auld folk's out o' date,
And better playfare can they get
Than castocks in Strabogie.

Recorded by Jean Redpath on "Songs of Robert Burns, Vol. 1," 1976.
filename[ COLDKAIL
@Scottish
JL]
mudcat.org

---

PLEASE NOTE: Because of the volunteer nature of The Digital Tradition, it is difficult to ensure proper attribution and copyright information for every song included. Please assume that any song which lists a composer is copyrighted ©. You MUST aquire proper license before using these songs for ANY commercial purpose. If you have any additional information or corrections to the credit or copyright information included, please e-mail those additions or corrections to us (along with the song title as indexed) so that we can update the database as soon as possible. Thank You.