HE KELTY CLIPPIE
(John Watt)

I have travelled roon' this countrie
From shore tae shining shore
Frae the swamps o' Auchterderan
Tae the jungles o' Lochore
But in all these far flung places
There's none that can compare
Wi' the Lily o' Lumphinnans
She's ma bonnie Maggie Blair

cho: Oh, she's just a Kelty Clippie
She'll no' tak' nae advice
I t's "Ach drap deid, awa' bile yer heid
Ah'll punch yer ticket twice."
Her faither's jist a waister
Her mither's on the game
She's jist a Kelty Clippie
But I love her just the same.

Frae the pyramids up in Kelty
Tae the mansions in Glencraig
We've trod the bings together
In mony's the blyth stravaig
Watched the moonlight over Crosshill
Trod Buckhaven's golden sand
And mony's the happy oor we've spent
In Lochgelly's Happy Land

Well I met her on the "eight fifteen"
That nicht o' romantic bliss
I says "Hey Mag pit doon yer bag
And gie's a wee bit kiss"
Well she didnae tak' that kindly
No she didnae like ma chaff
And bein' a contrary kind o' lass
She says"Come oan -get aff."

Noo she hasnae got nae culture
And she drives me roon' the bend
She sits every nicht in an old arm chair
Readin' the "People's Friend"
Her lapels is fu' o' badges
Frae Butlins doon at Ayr
And she gangs tae the Bingo every nicht
Wi' the curlers still in her hair

But things is a wee bit better noo
Ah've gone and bocht the ring
I won it frae Jim at the Pitch and Toss
Last nicht at the Lindsay Bing
Wi' her wee black hat and her ticket machine
She did ma heart ensnare
She's the Lily o' Lumphinnans
She's ma bonnie Maggie Blair.


The tune is an adaptation of "Maggie Cockabendie"
-This from "The Scottish Folksinger", ed. Norman Buchan & Peter Hall. (Collins,
1973)
filename[ KELTYCLP.txt
Feb07
MD
mudcat.org

---

PLEASE NOTE: Because of the volunteer nature of The Digital Tradition, it is difficult to ensure proper attribution and copyright information for every song included. Please assume that any song which lists a composer is copyrighted ©. You MUST aquire proper license before using these songs for ANY commercial purpose. If you have any additional information or corrections to the credit or copyright information included, please e-mail those additions or corrections to us (along with the song title as indexed) so that we can update the database as soon as possible. Thank You.