| ||||||
Share
THEY SENT A WUMMAN (Nancy Nicolson) Ah sent for the doctor, Ah telephoned the day The doctor wis an affa time a-comin Ah sent for the doctor, bit sorry for tae say A doctor never came, they sent a wumman But Ah let her make me better Then Ah asked her could she no get intae nursin Ah sent for the doctor, bit when she went away Ah couldnae understan why she wis cursin Ah sent for the pilot, Ah telephoned the day The pilot wis an affa time a-comin Ah sent for the doctor, bit sorry for tae say A pilot never came, they sent a wumman But she roared off an she soared off Then in she came an made a perfect landin Bit why she simply widnae juist hae been an air hostess Ah've got tae say is past ma understandin Ah sent for the polis, Ah telephoned the day The polis wis an affa time a-comin Ah sent for the polis, bit sorry for tae say A polis never came, they sent a wumman But she nabbed the boy that grabbed the Payroll fae the office in the High Street But still Ah felt she should be telt it's no lassie's job Ah widnae wint her on the beat in my street Ah sent for the fairmer, Ah telephoned the day The fairmer wis an affa time a-comin Ah sent for the fairmer, bit sorry for tae say A fairmer never came, they sent a wumman Bit her coos were an her soos were The very best, the top of a' the biddin An a' Ah did wis ask her hed her faither steyed at hame The next Ah kent wis Ah wis in the midden So Ah prayed til God Almichty, Ah prayed til him the day The guid Lord wis an affa time a-comin Ah prayed til God Almichty, an Glori-Glori-Ay The Great Almichty came, she wis a wumman An she viewed me, She How-d'ye-do-ed me Said, Ma lad, ye willne listen, ye're no learnin So here's a little lesson, boy, ye're comin back again An this time as a wumman ye're returnin @political @feminist filename[ SENTWMAN GS Feb07 |
|