GREEN GROW THE RASHES, O
cho: Green grow the rashes,O
Green grow the rashes, O
The sweetest hours that e'er I spent
Are spent amang the lasses, O.
There's naught but care on ev'ry han'
In ev'ry hour that passes, O
What signifies the life o' man,
An' 'twere not for the lasses, O!
The warldly race may riches chase
An' riches still may fly them, O
An' though at last they catch them fast,
Their hearts can ne'er enjoy them, O!.
Gie me a cannie hour at e'en
My arms around my dearie, O,
An' warldly cares, an' warldly men
May a' gae tapsalteerie, O!
An' you sae douce, wha sneer at this
Ye're naught but senseless asses, O!
The wisest man the world e'er saw,
He dearly lo'ed the lasses, O!
Auld nature swears the lovely dears,
Her noblest wark she classes, O
Her 'prentice han' she tried on man
And then she made the lasses, O.
Note: Burns likes this song; he wrote (and rewrote) several
versions, some more clinical than others. see also GRRASH1
TUNE FILE: GRRASH
CLICK TO PLAY
Popup Midi Player