PROUD LADY MARGARET
'What is your will with me, young man,
What is your will with me?'
'My will with you, fair maid, he said,
'Is your lover till I dee.
'Your lover till ye dee,' she said,
'Your lover till ye dee!
I've slighted mony a better man,
That in their grave lies green.
My father was laird o seven castles,
My mither was lady o three,
An' a' their gowd an' a' their gear,
There's nane to heir't but me.'
Gin your father was laird o seven castles,
An' your mither was lady o three,
I am William thy brother
That died beyond the sea,
An' I canna get rest into my grave
For the daily pride o thee.'
'Is there nae room at your heid, brotber?
Is there nae room at your feet?
Is there nae room at your side, brother,
For a lady like me to sleep?'
'There's nae room at my heid, sister,
There's nae room at my feet,
There's nae room ai my side, sister,
For a lady like you to sleep;
For when I lie down into my grave,
The worms around me creep.
Printed in Buchan, Book of Scottish Ballads
Popup Midi Player
Proud Lady Margaret (collected by Greig from Bell Robertson (1914); ... another, fragmentary text, with tune, which was noted from a Mrs. Gordon of New Deer, Aberdeenshire, in 1904. ...the two were found in the same locality only a few years apart, )