 sj |
||
|
||
| ||||||
|
Share
THE ROSEBUD: (Sheena Blackhall) In a rashy den doon a flooery glen, a rosebud raised her heid As a blackie's sang, wheepled loud an lang Stringin notes ower the fusperin reed. Fortune smiled on her, sair beguilin her Gentle bud o the white brier seed Till the tender flooer in her maiden booer, her hairt it wis tint indeed His sable briest tae her velver reest, he wad press like a drap o dew As the bud uncurled ilkie leaf unfurled Fur she thocht that his luv wis true Foo he haunted her, fair enchantit her, an tae him her thochts war thirled Wi his glancin een an his sang sae keen He brocht Heiven tae her ain wee warld. Nae another bird wi its tinklin wird could draw oot her rich perfume An her thorns sae strang should hae saved frae wrang She wad sheath fin she heard his tune Foo he played wi her fair enslavin her as aroon her lair he flew Till the rosebud sweet fell in love ower deep Wi the bird o the midnicht hue. Bit anither booer an anither flooer catched the blackbird's wanton een She micht prigg an plead bit he tuik nae heed, tae anither airt he's gaen As he spoared awa wi his sang sae braw, tae the wide wide mapamoun Fur an oor wi him this flooery gem wad hae laid her young life doon. O a Sang in Spring it should pleisur bring fin it hauds a luv refrain Bit fin luv's bin stown, like rose hauf blawn Then the tune brings nocht bit pain The rosebud fair in her thorny lair, ceased tae bloom fin love wis past Wi a hairt o snaw, see her petals faa, in the bitterness o Winter's blast Tune: The Duchess Tree by Scott Skinner: Lyrics, Sheena Blackhall filename[ ROSEBUDD LB Feb07 |
|
