 sj |
||
|
||
| ||||||
|
Share
CHILD OWLET (2) LADY ERSKINE sits in her chamber, Sewing at her silken seam, A chain of gold for Childe Owlet, As he goes out and in. But it fell ance upon a day She unto him did say, Ye must cuckold Lord Ronald, For a' his lands and ley. `O cease! forbid, madam,' he says, `That this shoud eer be done! How would I cuckold Lord Ronald, And me his sister's son?' Then she's ta'en out a little penknife, That lay below her bed, Put it below her green stay's cord, Which made her body bleed. Then in it came him Lord Ronald, Hearing his lady's moan; `What blood is this, my dear,' he says, `That sparks on the fire-stone?' `Young Childe Owlet, your sister's son, Is now gane frae my bower; If I hadna been a good woman, I'd been Childe Owlet's whore.' Then he has taen him Childe Owlet, Laid him in prison strong, And all his men a council held How they woud work him wrong. Some said they woud Childe Owlet hang, Some said they woud him burn; Some said they woud have Childe Owlet Bewteen wild horses torn. `There are horses in your stables stand Can run right speedilie, And ye will to your stable go, And wile out four for me.' They put a foal to ilka foot, And ane to ilka hand, And sent them down to Darling muir, As fast as they coud gang. There was not a kow in Darling muir, Nor ae piece o a rind, But drappit o Child Owlet's blude And pieces o his skin. There was not a kow in Darling muir, Nor ae piece o a rash, But drappit o Childe Owlet's blude And pieces o his flesh. Child #291 Version in Child filename[ CHDOWLT2 LMP |
|
