The above version has been rather ingeniously translated into a more Southron dialect--or something. It's certainly a more recent version (made up by the Macalmans themselves?) of a ditty from about 1850 maybe. I take this from Ford, Vagabond Songs (vol. I, 1899), 127 [also in the 1904 one-volume ed., 115, with the music, which sounds very Victorian-stagy to me].

WHAT DO YE THINK O' ME NOO, KIND SIRS?

I am a young man, I live wi' my mither,
A braw decent kimmer, I trow;
But aye when I speak aboot takin' a wife,
She aye gets up in a lowe.

[cho.] Sae what do ye think o' me noo, kind sirs;
And what do ye think I shud try?
Gin mither was deein', there's naebody livin'
To mind the hoose and the kye.

There's red-headed Jenny, lives doon by our side,
At shearin' she aye dings them a',
But her very face mither canna abide,
And her a wild hizzie does ca'.

[cho.]

Yestreen my mither she pouther'd my wig
As white as the new-driven snaw;
She took an auld mutch and made me a gravat,
Stuck in a big breastpin and a'.

[cho.]

"Noo gang awa', Sandy, ye're gaun to the waddin',
Ye ken ye're to be the best man,
And Betty McHaffie's to be the best maid,
Mak' up to her noo like a man."

[cho.]

I gaed to the waddin', and Betty was there;
And losh, but she was buskit braw,
She had ribbons and lace a' deck'd round her face,
And necklaces twa or three raw.

[cho.]

To please my auld mither, by makin' up till her,
At aince I thocht I might try;
So I speir'd at Betty if ever she heard
That we had twa dizzen o' kye.

[last cho.:]
Sae what do ye think o' me noo, kind sirs;
And what do ye think I shud try?
Wi' a toss o' her head, she answered, "Indeed!
Wha cares for you or your kye?"