CHARLIE IS MY DARLING.

(James Hogg's version)

'Twas on a Monday morning,
Right early in the year,
That Charlie came to our town,
The young Chevalier.

And Charlie he's my darling,
My darling, my darling,
And Charlie he's my darling;
The young Chevalier.

As Charlie he came up the gate,
His face shone like the day:
I grat to see the lad come back
That had been lang away.

And ilka bonny lassie sang,
As to the door she ran,
Our king shall hae his ain again,
And Charlie is the man.

Out-owre yon moory mountain,
And down yon craigy glen,
Of naething else our lasses sing
But Charlie and his men.

Our Highland hearts are true and leal,
And glow without a stain;
Our Highland swords are metal keen,
And Charlie he's our ain.

Malcolm