Guiding Light, Evening Star (Scott Murray)

Guiding Light and the Evening Star
Spes Malore and the Ainster Belle
Nae boats noo doon at the hairbour
But aye I mind on them weel
Aye I mind on them weel

In darkness ye'd look ower the Forth
Tae see the boats by their lichts
Awa tae the east o' the May
Like a toon lit up in the nicht
Like a toon lit up in the nicht

And ye kent that the Sabbath was ending
When ye heard the boots o' the men
Soond doon the wynd tae the harbour
It's time for the fishin' again
Time for the fishin' again

Guiding Light and the Evening Star...

Ye thocht on the man nearly lost
That wis ta'en fae his boat by a wave
Pit back on deck by another
We thanked the Lord he was saved
We thanked the Lord he was saved

Guiding Light and the Evening Star...

There's nae drifters noo, there's nae trawlers
Ye're nearer tae Dogger at Shields
They've telt me a' the guid reasons
It's tae dae wi' siller and yields
It's tae dae wi' siller and yields

Guiding Light and the Evening Star...