TERESA   by Jimmy Copeland

Teresa has took up the Judo!
She's been at it for two or three weeks
Ye wid laugh at her Japanese jaikit
An' her wide perra Japanese breeks

She comes breengin' hame efter each lesson
Wi' a new wey tae flatten a man
For the heid filla says she's improvin'
That's him she keeps callin' -- Black Dan!

An' she wants me tae be her opponent!
She gets mad when ah don't take her on
She says -- See you, ya wee backle!
Ah could melt ye wi' just the wan haun.

So last night we went tae wir scratcher
Ah wiz reachin' tae put oot the light
Here, she stood up in bed like a mad yin
An' said -- Come oan, Boabbie, let's fight!

Well, ah got her doon after a struggle
An' ah'll tell ye -- the vic'try wis sweet
She agreed it wis better than Judo
But she called me a durrty wee cheat!


Anybody know more about the man that wrote this poem?