BIDE YE YET
(traditional)

Gin I had a wee house, an' a canty wee fire,
An' a bonnie wee wifie to praise and admire,
Wi' a bonnie wee yardie aside a wee burn,
Fareweel to the bodies that yaumer and mourn.

[Chorus]
Sae bide ye yet, an' bide ye yet;
Ye little ken what's to betide ye yet;
Some bonnie wee body may fa' to my lot,
An' I'll aye be canty wi' thinkin' o't.

When I gang a-field, an' come hame at e'en,
I'll get my wee wifie fu' neat an' fu' clean,
Wi' a bonnie wee bairnie upon her knee,
That'll cry papa or daddy to me.

An' if there should ever happen to be
A difference atween my wee wifie and me,
In hearty good humour, altho' she be teased,
I'll kiss her an' clap her until she be pleased,
Sae bide ye yet, etc.

--In Herd's collection, 1769, author unknown.

This is from Whitelaw's Book of Scottish Song (1844, repr.1875), p. 4:

^^