Words from 'The Scottish Folksinger' by Norman Buchan and Peter Hall. The song was written by John Watt.
I have travelled roon' this country from shore to shining shore,
Frae the swamps o' Auchterderan tae the jungles o' Lochore,
But in all these far-flung places, there's none that can compare
Wi' the lily o' the Lumphinans. She's ma bonnie Maggie Blair.
CHORUS: Oh, she's just a Keltie Clippie. She'll no' tak nae advice.
It's "Ach, drop deid. Awa' bile your heid. Ah'll punch yer ticket twice."
Her faither's just a waster. Her mither's on the game.
She's just a Keltie Clippie but I love her just the same.
Frae the pyramids up in Keltie tae the mountains in Glencraig,
We've trod the bings together in mony's the blithe stravaig,
Watched the moonlight over Crosshill, trod Buckhaven's golden sand,
And mony's the happy 'oor we've spent in Lochgelly's happy land. CHORUS
Well, I met her on the eight fifteen that nicht o' romantic bliss.
I says "Hey, Mag! Pit doon yer bag and gie's a wee bit kiss."
Well, she didnae tak' that kindly. No, she didnae like ma' chaff,
And bein' a country kind o' lass, she say's "Come oan, get aff." CHORUS
Noo she hisnae got nae culture. Ach, she drive's me roon the bend.
She sits every nicht in an old armchair readin' the People's Friend.
Her lapels is fu' o badges frae Butlin's doon at Ayr
And she gang's tae the bingo every nicht wi' the curlers in her hair. CHORUS
But things is a wee bit better noo. Ah've gone and bocht the ring.
I won' it frae Jim at the pitch and toss last nicht at the Lindsay Bing.
Wi' her wee black hat and her ticket machine, she did my heart ensnare.
She's the Lily o' the Lumphinnans. She's ma bonnie Maggie Blair."
Sing up, Dave