Hope this helps

The Festival O Keith

Noo we've a' come here thegither for a friendly gather-round,
We hiv music o a mixture that'll shak ye t' the foun
In the gran aul Scotch tradition, be ye aul or cutting teeth,
We extend a warm welcome t' the festival at Keith.

       Hud er gyan,lads and lassies, hud er gyan, hud er gyan
         Mak the hills ring wi the music if ye can,
       Be it fussle, box or fiddle, bothy ballad or a diddle,
       hud er gyan, lads and lassies, hud er gyan.

Noo there's something here for a'body that's musically inclined
there's twa's and three's and soloists, and whiles the lot combined.
They come fae a' the airts and pairts, frae A Etrick t' Dunbeith
It's a grand weekeyne o music at the festival O Keith.

       Hud er gyan........

Noo there's nae discrimination, be ye up or be ye doon,
   be ye business man or scaffie, be ye clerk or orraoon,
We dinna care a docken, jist as lang's ye can bequeath
   Success is never ending at the festival o Keith.

            Hud er gyan ....

So if yer bleed be sluggish or yer circulation poor,
Or fittiver else is wrang wi ye, we hae a ready cure,
In this freenly little toonie, midst the heather hills and heath
Ther's a cure for a' your ailments at the festival o Keith.

       Hud er Gyan.....