Quo Life, the warld is mine, The flooers and trees, they're aa my ain, (all my own) I am the day an the sunshine, Quo life the warld is mine. Quo Daith, the warld is mine, Your lugs are deef, your een are blin (lugs - ears) Your flooers maun dwine in my bitter win (dwine - languish, wane) Quo Daith, the world is mine. Quo Life, the warld is mine, I hae saft win's an healin rain Aipples I hae an breid and wine Qui life, the warld is mine. Quo Daith, the warld is mine, Whit sterts in dreid gangs doon in pain, Bairns wantin breid are makin mane, (babes wanting bread are making moan) Quo Daith, the warld is mine. Quo Life, the warld is mine, Your deidly wark, I ken it fine, There's mate on earth for ilka wean, (baby) Quo life, the warld is mine. Quo Daith, the warld is mine, Your silly sheaves crine in my fire, (silly - different connations in Scots, feeble is closest, crine - shrink) My worm keeks in your barn an byre, (peeps, byre-cow shed) Quo Daith, the warld is mine. Quo Life, the warld is mine, Dule on your een! Ae galliard (lively) hert Can ban tae hell your blackest airt Quo Life, the warld is mine. Quo Daith, the warld is mine. Your rantin hert in duddies braw (garments fine -tho rags in another definition) rantin - high-spirited He winna lowp my preeson waa,(leap my prison wall) Quo Daith, the warld is mine. Quo Life, the warld is mine. Though ye bigg (build )preesons o marble stane Hert's love ye canna presson in, Quo Life, the warld is mine. Quo Daith, the warld is mine. I hae dug a grave and dug it deep For war and the pest (plague) will gar (make) ye sleep, Quo Daith, the warld is mine. Quo Life, the warld is mine. An open grave is a furrow syne, (then, ultimately) Yell no keep my seed frae faain in, Quo Life, the warld is mine."
|