Hi, From: James Madison Carpenter Collection, JMC/1/5/1/T, p. 08709. Has "millert" except for the first. "Binorie," sung by Mrs. William Duncan of Tories, Oyne, Scotland about 1931. 1 Twa Scottish girlies lived in a booer, Binorie, O Binorie, A miller laddie a courtin' them cam, By the bonnie milldam o Binorie, O. 2 He courted the elder wi' jewels an' rings, Binorie, O Binorie, He's courted the younger wi' a far better things, His ain dearest lassie o Binorie, O. 3 "O sister, O sister will ye tak a walk? Binorie, O Binorie, We'll hear a' the blackbirds whistle ower their tune, An' see the bonnie miller lad o Binorie, O." 4 They walked up, an' sae did they doon, Binorie, O Binorie, Until the elder one dang the younger in, To droon in the dam o Binorie, O." 5. "O sister, O sister ye'll reach ti me your han', Binorie, O Binorie, Ye'll get pairt o my siller an' third pairt o my lan', An' be the millert's lassie o Binorie, O." 6. "It wasna for that that I dang ye in, Binorie, O Binorie, That you're sae very fair, an' I sae very dun, So ye'll droon in the dam o Binorie, O." 7. She swimmed up, an' she swimmed on, Binorie, O Binorie, An' she sank tee the bottom nae mair tee rise again, Frae the bonnie milldam o Binorie, O. 8. The miller's servant girl came for water to wash his hands, Binorie, O Binorie, There's somebody in, or else there's a swan, In the bonnie milldam o Binorie, O. 9. They fished up an' they fished doon, Binorie, O Binorie, They've taen her oot an' laid her on a stane, By the bonnie milldam o Binorie, O." 10. There wasna ane ken her by her yellow hair, Binorie O Binorie, But the bonnie miller he knew the rings he gae her, She wis his ane dearest lassie o Binorie, O. 13. There wis mony there at her oot-takin', Binorie, O Binorie, The bonnie millert laddie died at her grave makin'; She wis his ane dearest lassie o Binorie, O. * * * * Richie
|