Hi,

From James Madison Carpenter Collection, JMC/1/4/Q, p. 07736, standard text, a few stanzas missing.

"Binorie" sung by Mrs Jane Lobban of Kennethmont, Aberdeenshire, Scotland about 1931.

1    There wis twa sisters wha lived in a glen,
      Binorie, O an' Binorie,
The youngest was courted by a nice young man,
   The bonnie miller lad o Binorie.

2    This twa sisters gaed oot for a walk
       Binorie, O an' Binorie,
Twas to hear the blackbirds whistle ower the tune,
   An' see the miller lad o Binorie.

3 They walked up, an' sae did they doon,
      Binorie, O an' Binorie,
Bet they didna hear the birdies whistle ower the tune,
   An' they didna see the miller o Binorie.

4. Then the twa sisters stood on a stane,
      Binorie, O an' Binorie,
Till the elder she dang the younger in,
Tee teh deep, deep dams o Binorie."

5. "O sister, O sister you'll stretch me yer han',
       Binorie, O Binorie,
An' all my gold and silver will be at your command,
An' the bonnie miller lad o Binorie."

6. "It wisna for yer gold sister, I dang ye in,
      Binorie, O an' Binorie,
It's because ye're sae very fair, an' I'm sae very din,
   An' ye're courted by the miller o Binorie."

7. The miller's servant lassie cam oot tee the dam,
      Binorie, O an' Binorie,
It was for some water to wash the miller's hand,
    Twas the bonnie miller lad o Binorie.

8. "O miller, O miller, go fish in your dam,
      Binorie, O an' Binorie,
For there's a drooned lady or else a white swan,
    In the deep, deep dams o Binorie."

9. Weel did he ken her by her green goon o silk,
      Binorie O an' Binorie,
Bet better did he ken her by her middle, 'twas sae jimp,
Twas the bonnie miller's lass o Binorie.

10. Mony wis there at her aff-claes takin',
   Binorie, O an' Binorie,
But the miller laddie died at her green grave weepin';
    The bonnie miller lad o Binorie.
* * * *

Richie