Hi, From James Madison Carpenter Collection, JMC/1/4/Q, p. 07736. Inconsistent dialect. This is not a version from the Greig-Duncan Collection which has 17 versions A-Q. "Binorie" from Duncan's MSS sung by Mary McWilliam, Grange, 1905, taken down by Jeanie McDonald of Alford. 1 There lived two sisters in yonder ha', Binorie, O an' Binorie, They hid bet a lad atween then twa, He's the bonnie mullert lad o Binorie. 2 It fell aince upon a day Binorie, O an' Binorie, That the auldest ane to the youngest did say, At the bonnie milldam o Binorie: 3. "Oh sister, oh sister will ye gang to the brooms, Binorie, O an' Binorie, Till they thrice heard the black birdie changing its tune, An' see the mullert lad o Binorie? 4. They hadna been half an hour at the brooms, Binorie, O an' Binorie, Till they thrice heard the black birdie changin its tune, At the boonie mulldams o Binorie? 5. They hadna been an hour at the dams, Binorie, O an' Binorie, Till they saw their father's fish boats on dry land, But they saw nae the bonnie mullert lad o Binorie. 6. The youngest one stood on a stane, Binorie, O an' Binorie, The auldest ane dang the youngest in, To the bonnie mulldams o Binorie." 7. She swam up, an' she swam down, Binorie, O an' Binorie, Till she swam back to her sister again, In the bonnie mulldams o Binorie." 8. "Oh sister, Oh sister, will ye reach me yer glove, Binorie, O an' Binorie, An' I'll make ye heir o my truelove, The bonnie mullert lad o Binorie." 9. "It wisna for that that I dang ye in, Binorie, O an' Binorie, It's because ye are fair, an' I am din, An' ye'll droon in the dams o Binorie." 10. Oot cam the auld mullert's daughter to the dams, Binorie, O an' Binorie, For water to wash her father's hands, Frae the bonnie mulldams o Binorie. 11. "Oh father, Oh father, go a-fishing in your dams, Binorie, O an' Binorie, For there's either a mermaid or a milk-white swan, In the bonnie mulldams o Binorie." 12. They socht up, an' they socht down, Binorie, O an' Binorie, But they got naething but a droon'd woman, In the bonnie mulldams o Binorie." 13. Some o them kent her by her skin so fair, Binorie O an' Binorie, Bet weel kent the mullert by her bonnie yellow hair, She's the mullert's bonnie lass o Binorie. 14. Some o them kent her by her goon o silk, Binorie O an' Binorie, Bet the mullert laddie ken her by her middle so jimp, 'Twas his ane bonnie lass o Binorie. 15. Mony a ane was at her oot-takin', Binorie, O an' Binorie, An' mony ane muir at her grave makin'; At the bonnie mulldams o Binorie. * * * * Richie
|