I wrote this song this year. It's called, "A Nice Auld Man," and is a "lonely hearts" type song. Oh dear "Word" doesn't like any programme apart from itself - so this may turn out like a dogs breakfast!!

A Nice Auld Man                                                                   Copyright: R. Knight, 9/6/2017
I fell in love wi an affa bonny woman,                                                                                                                   Wha telt me that she didna wint me.                                                                                                      She swore she loved me - syne, she went and changed her mind,                                                                      Said go and find some ither woman - forget me.

So broken herted I set oot, tae hae a look aboot,                                                                                        But nane compares wi that lassie in my eyes.                                                                                                    I’ve lookit up and lookit doon, I’ve trauchled roon aboot the toon,                                                                               But noo, I think it’s time tae advertise.
Chorus:                                                                                                                                                       So if yer looking for a man, a nice auld man, wha looks an affa lot like me,                                           If yer intelligent and smert, an’ can fix my broken hert, and yer easy on the eye forbye,                                                                                                                                       Then yer whit I’m looking for, so let us mak a plan, if yer looking for a nice auld man.
Solo
I s’pose I hinna got much chance, lookin for romance,                                                                                    I’m mair the scruffy sort, than smert or debonaire.                                                                                                 But I’m tidy roon the hoose, I’m as quiet as a moose,                                                                                 In fact ye’d hardly ken that I was there.
I wash and use deodorant, I dinna think I stink,                                                                                       I’m very low maintenance, I neither smoke nor drink.                                                                                  So if ye tak me on, never fear ye’ve drapt a clanger,                                                                           At my age, I’ll nae be here for too much langer.
Chorus:                                                                                                                                                   So if yer looking for a man, a nice auld man, wha looks an affa lot like me,                                              If yer intelligent and smert, an’ can fix my broken hert, easy on the eye forbye,                                                                                                                                                                                 Yer jist whit I’m looking for, so let us mak a plan, if yer looking for a nice auld man.
If yer a widow on yer ain, a wee bit lonely, or a nice little divorcee,                                                                                                                                       Yer jist whit I’m looking for, so let us mak a plan, if yer looking for a nice auld man.
Yer jist whit I’m looking for, so let us mak a plan, if yer looking for a nice auld man.