Oh a mind o' the time I grew tired o' the ferm
And I thocht that a change would a done me nae harm
So a telt a' me freends I was tired o the grime
And they a' gethered roond wi advice that was fine
Wi a toodle aye-oo and I'll follow the ploo


Oh they telt me that nane wi Dundee can compare,
Wi its shops and its gairdens and muckle big square,
But it's built on a hill and my legs were guiy sair,
Says I tae mesel I'm for dundee nae mair
Wi a toodle aye-oo and I'll follow the ploo


Then they said see the castle in Edinburgh toon,
Well I puts on my dickie and my new Sunday shoon,
But when i saw the sicht we were up fae the street,
My stomach turned roond and I thaught I'd be seek.
Wi a toodle aye-oo and I'll follow the ploo


Then they said pay a visit tae auld Glesgae toon,
Find yerself a wee wife and ye'll soon settle doon,
But I couldnae see fields nor yet see the sky,
For the hooses and chimneys so I bade her guidbye
Wi a toodle aye-oo and I'll follow the ploo


Then they said as a last resort see Aiberdeen,
Wi its brick granite buildings the finest you've seen
But I could see naeithn though a looked near and far
For the fog off the sea that the fowk here ca' haar
Wi a toodle aye-oo and I'll follow the ploo


Noo I'm fee'd tae a fermer the rest o' my days
Where I'm sure o' my meat and enough tae buy claes
Wi my milk and my tatties and a placie tae bide
Its name mair I'll roam fae my ain countryside
Wi a toodle aye-oo and I'll follow the ploo