Fil ò ro, fil ò ro, fil ò ro hug èileadh Fil ò ro, fil ò ro, fil ò ro hug èileadh, Air fal li li ò agus hò rò hug èileadh, Chan fhaigh mi cadal sàmhach, A ghràidh, 's gun thu rèidh rium. Is truagh nach d' rugadh dall mi gun chainnt is gun lèirsinn, Mus fhac' mi t-aghaidh bhaintidh, rinn aimhleas nan ceudan?. Bhon chunnaic mi bho thùs thu bu chliùiteach do bheusan, 'S gum b' fhasa leam am bàs na bhith làthair às t-eugmhais. Is truagh nach robh mise agus tusa far an iarrainn, Sia là na seachdain is seachd, ochd bliadhna, An seòmraichean glaiste le clàidheanan iarainn, Na h-iuchraichean air chall agus dall bhith gan iarraidh. Bu bhinne leam do chòmhradh na smeòrach nan geugan, Na cuthag sa mhadainn Mhàighe no clàrsach nan teudan, Nan t-easbaig air là Dòmhnaich, 's am mòr-shluagh ga èisteachd, Na ged a chunntadh stòras na h-Eòrpa gu lèir dhomh. Is truagh nach robh mi fàgail an t-saoghail seo ro-chianail: Bha dòchas faoin gam thàladh, 's e 'n gaol rinn mo dhìobhail, Ge fada bhuam a shiùbhladh tu rim bheò bhithinn riut dìleas, 'S nuair thigeadh Là na Cruinne 's e Mòr Ròs a dh'iarrainn. as sung by Brian Ó hEadhra from his album An t-Allt
|