I WAS A GAY SPARK IN MY TIME
by Wattie Wright
from Hamish Imlach, Live - XTRA 1050

Jock he was a strapping lad,
He thought he'd take a wife,
He wandered north frae his faither's farm,
Where he'd worked all his life.
He courted Jean for many months
Before he telt his faither,
Wha looked at him wi' a twinklin' ee
Ye'll hae tae find another,
I was a gay spark in my youth,
Jeannie is my daughter.

Jock pined away for a week or twa,
Then headed to the west.
He ca'd on Kate the dairy maid,
Dressed in his Sunday best.
He cuddled her and kiddelt her,
Before he telt his faither
Wha looked at him wi' a twinklin' ee
Ye'll hae tae find another,
I was a gay spark in my youth,
Katie is my daughter

He pined awa for a month or twa,
Then syne went tae the east.
He cau'd on Annie at a barnyard dance,
and thought at last here's peace.
He bought for her a gowden ring,
Before he telt his faither
Wha looked at him wi' a twinklin' ee,
Ye'll hae tae get another,
I was a gay spark in my youth,
Annie is my daughter.

Oh Jock was seek for mony a week,
and affa doon at mouth.
And then he met Peg, wi' the rosy cheeks
When at last he headed south.
Peg and he had mony a spree,
Before he telt his faither
Who looked at him wi a twinklin' ee,
Ye'll hae tae get another.
I was a gay spark in my youth
Peggie is my daughter.

Oh harvest passed, and winter tae,
Jock grew mair morose,
He could nae work, he could nae sleep
He could nae sup his brose.
Oh he was near tae deein',
Afore he telt his mother,
Wha' looked at him in the ee and laughed,
Ye can marry yin or other.
I was a gay spark in my youth
Sandy's no' your faither.

(Finally reunited with all my vinyl)

love, john.^^